- Zaur Ustacın Aylar Və Fəsillər Haqqında Şeirləri
- زائـــور اوستاج
-
ZAUR USTACIN AYLAR VƏ FƏSİLLƏR HAQQINDA ŞEİRLƏRİ
İLİN AYLARI
İldə on iki ay var,
Yanvar, Fevral, Matr, Aprel.
Sərin May, isti İyun,
Artıq yarı oldu il.
* * *
İyul, sonra da Avqust
Sevimli Sentyabr.
Oktyabr, Noyabr,
Sonunda da Dekabr.
YANVAR
Yanvarla başlayır il,
Ən birinci o gəlir.
İlin barın, bəhərin
Ağ qarla o gətirir.
FEVRAL
Fevralda donur hər yan,
Çaylar, bulaqlar, göllər.
Xocalı düşür yada,
Qara bağlayır ellər.
MART
Martda sevinir hamı,
Açır Bənövşə, Nərgiz.
Səməniylə, Kosayla
Tonqalla gəlir Novruz.
APREL
Daha torpaq isinib,
Ağaclar yaşıllaşır.
Artıq səmada çoxdan
Qaranquşlar dolaşır.
MAY
May sevimli bir aydır,
Hər yan çalır-çağırır.
Çox sevirik bu ayı,
Bizim sevimli ayıdır!
Sual:
May ayı niyə bizim üçün sevimlidir?
İYUN
İyun altıncı aydır,
Bu ay il yarı olur.
Bu ay gecələr qısa,
Gündüzlər uzun olur.
İYUL
“Yayın oğlan çağıdır”,
İyul belə adlanır.
Hər yerdən buxar qalxır,
Sanki, torpaq odlanır.
Sual:
Buxar nədir?
AVQUST
“Qora bişirən aydır”,
Avqust belə tanınır.
Alma, armud sulanır,
Şanı, əncir ballanır.
SENTYABR
Sentyabr gələndə
Çox sevinir uşaqlar.
Bilik günü yetişir,
Məktəbə gedir onlar.
OKTYABR
Oktyabr gələndə
Gəlir payız havası.
Qozu, narı, alması,
Boldu sarı heyvası.
NOYABR
Noyabr soyur hava,
Tez-tez yağır yağışlar.
Həyətlərdə, bağlarda
Civildəşir ac quşlar.
DEKABR
Dekabr gələr-gəlməz,
Əsir soyuq küləyi.
Hədən Şaxta Babanın
Qar ələyir, ələyi.
İLİN FƏSİLLƏRİ
Gəlin birlikdə sayaq,
Görək neçə fəsil var.
Yaz, Yay, Payız bir də Qış,
Bunu bilməyə nə var!
YAZ
Yazda açır çiçəklər,
Nəğmə oxuyur quşlar.
İki adı var onun,
Həm də deyirik Bahar.
YAY
Yayda dərslər qurtarır,
Bağa yollanırıq biz.
Kölgədə dincəlirik,
Çoxlu oynayırıq biz.
PAYIZ
Payızın gəlişiylə,
Hər yan tamam dəyişir.
Çılpaq qalır ağaclar,
Meyvələri yetişir.
Sual:
Çılpaq dedikdə nə başa düşürsünüz?
Payızı başqa necə təsvir edə bilərsiniz.
Payızda hansı meyvələr yetişir?
Payızın başqa adı varmı?
QIŞ
Biz sevirik, qarlı Qışı,
Sevinirik qar yağanda.
Qorxutmur qarı, yağışı,
Oynayırıq qar yağanda.
ƏLİFBAM
A, Be, Ce, Çe, De, E, Ə
Nə gözəl yaraşır
Şirin dilimə.
* * *
Fe, Ge, Ğe, He, Xe, I, İ
Bəzəyir, sevdirir
Şirin dilimi.
* * *
Je,Ke,Qe, eL, eM, eN, O
Az qaldı unudum
Ka da var baho.
* * *
Ka da çox vacibdir
Bilməli hamı.
Kələmlə kartofu
Seçməli hamı.
* * *
Ö-sü var, Pe-si var, eR-i var bunun,
Se-si var, Şe-si var, Te-si var bunun.
U-su var, Ü-sü var, Ve-si var bunun,
Sonunda, Ye-si var, Ze-si var bunun.
Müəllif, Zaur Ustac
"Güllünün şeirləri" kitabından
- 183
aprel 2022, زائـــور ا.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......