...
  • Murad Məmmədovun şeirləri
  • زائـــور اوستاج
  • YENİ ŞEİRLƏR
    DOSTUMA
    Sevgidir məlhəmi sevən ürəyin,
    Sevmirsə , o ürək, daşdı, əzizim.
    Ayrılıq bir dərddi, olmaz gərəyin,
    Çarəsi gözlərdə yaşdı, əzizim.
    * * *
    Ürək geniş olsa, yerin dar olmaz,
    Sevən könüllərdə dərd, azar olmaz,
    Gözü oynayandan sənə yar olmaz,
    Məhəbbət ağılla xoşdu, əzizim.
    * * *
    Hər yaşın sevgisi ruha dayaqdı,
    Yüz insan seyr edir, baxma, oyaqdı,
    Bir qoca kiminsə gözünə baxdı,
    Dalınca dedilər, çaşdı, əzizim.
    * * *
    Məhəbbət yandıran, alovlu yoldu,
    Neçəsi alışdı, yarıda qaldı,
    Kimi dəli etdi çöllərə saldı,
    Dedilər həddini aşdı, əzizim.
    * * *
    Neçə canda neçə sevgi boğular,
    Qocalarıq, eşq, məhəbbət soğular,
    Sevgi də beyində, başda doğular,
    İnsanı var edən başdı, əzizim.
    * * *
    Ay Murad, ayıq ol ,yuxudan oyan,
    Naşıdı dünyanın malına uyan,
    Eşqdən xumarlanıb, iyini duyan,
    Ləzzət alan, gözlə qaşdı , əzizim.

    ÖVLADLARIMA
    Dünya, fani dünyadır,
    Öz ağlınla otur, dur.
    Laylay çalır, oynadır,
    Axırda qalib odur.
    * * *
    Yıxıldınsa, çalış dur
    Qorunma yedəklərdə.
    Özünə bir koma qur,
    Sürünmə ətəklərdə.
    * * *
    Öz qədrini özün bil
    Özgəyə möhtac olma!
    Eşqlə yaşa, sevin, gül,
    Çalış, işlə, ac olma!
    * * *
    Ümid olma heç kəsə,
    Nəyin varsa, yiyə dur.
    Girmə heç kimlə bəhsə,
    Ağıllısı, bax budur!
    * * *
    Pisi yaxına qoyma,
    Sadə davran, ayıq ol.
    Yalana, küyə uyma,
    Aldanarsan, sayıq ol.
    * * *
    Yalqız olma həyatda
    Təklik bir həyat deyil.
    Yandırsalar da odda,
    Ancaq Allaha əyil.
    * * *
    Nəfsinə qul olma sən,
    Tamahında batarsan.
    Səbr eyləyib gözləsən,
    İstəyinə çatarsan.
    * * *
    Təkəbbürlü olma heç,
    Tanrı sevmir dikbaşı.
    Sən gəl günahından keç,
    Adam olmur hər naşı.
    * * *
    Dərdi yaxına qoyma,
    Həyatda pozitiv ol!
    Yaxşılıq elə, doyma,
    Pisliyə heç açma yol!
    * * *
    Həyat, mübarizədir,
    Sabaha yoxdur güman.
    Mənim sözüm sizədir,
    Halal olun hər zaman!

    İNCƏ DƏRƏSİ
    Nə gözəl mənzərədi
    Ruhumu alıb gedir.
    Bəlkə, buna görədi
    Əhvalım göylərdədi.
    * * *
    Yaradandan bəndəyə
    Lütf olan gözəllikdir.
    Ruhum dil açır deyə
    Yarəb, dünya mənlikdir.
    * * *
    Ətrafımda quş səsi
    Burnumda gül qoxusu.
    Cəzb eləyir hər kəsi
    Cuşa gəlir çoxusu.
    * * *
    Bura cənnətin özü,
    Laylam oxunan yerdir.
    Azərbaycanın gözü,
    Mənə səcdəgah, pirdir.
    * * *
    Bütün dərdi-sərini
    Burda unutmaq olur.
    Könlüm məzar yerini
    Sonunda burda bulur.
    * * *
    Bura arxam, güvənim
    Mənim qibləgahımdır.
    Yaşadığım dünənim,
    Bu günüm, sabahımdır.
    * * *
    Bu yaşımda anladım,
    Ömrü harda bitirdim.
    Öz-özümü danladım
    Gör, nələri itirdim.
    * * *
    Bu yurdun torpağına,
    Daşına qurban olum!
    Gələcəm ayağına
    İncə dərəm, son yolum!

    XEYİR GÖZLƏ
    Hər işdən bir xeyir gözlə,
    Şəri ancaq xain istər.
    Dərd ovunmaz adi sözlə,
    Bir istilik, qayğı göstər.
    * * *
    Alnımızda yazılanın
    Sahibiyik, yiyəsiyik.
    Bir qaranlıq gündə hamı
    Eyni qapı döyəsiyik.
    * * *
    İçimizdə ölüm xofu
    Gah ölürük, dirilirik.
    Canımızdan qopan ofu
    Ağrı, acı, dərd bilirik.
    * * *
    Bu dünyanın qonağıyıq
    Dünyamızda çoxu kimi.
    Yüz oyunun qınağıyıq
    Unudarıq yuxu kimi.
    * * *
    Arzuların arxasınca
    Hey qaçarıq, yorulmarıq.
    Ömür bitib can çıxınca
    Nəfsimizdə durulmarıq.
    * * *
    Sonda ruhla vidalaşıb,
    Bu dünyanı anlayırıq.
    Son keçilən səddi aşıb,
    Özümüzü danlayırıq.

    MÜBARƏK OLSUN
    Gəldi ramazan ayı
    Yarəb ayın mübarək!
    Payla ramazan payı
    Hər süfrəyə! Şükr edək!
    * * *
    Qoy sevinsin insanlar
    Xəstələr şəfa tapsın.
    Nolar naşükür canlar
    Şükr etsin, tövbə yapsın.
    * * *
    Yaradan millətimə,
    Kin, küdurət verməsin!
    Daim gülsün ürəklər,
    Heç kim kədər dərməsin!
    * * *
    Küsülülər barışsın,
    Nifrət, nifaq olmasın.
    Başlar xeyrə qarışsın,
    Şər əməllər qalmasın.
    * * *
    Bu ay ruzi gətirsin,
    Hər süfrəyə, hər evə.
    Saf diləklər bitirsin
    Yaşayaq sevə sevə.


    ÜRƏYİMİN SƏSİ
    Ruh halımı bölüşməyi sevmərəm
    Üç olarıq kağız, qələm, bir də mən.
    Dəyişmədim, dəyişmədi yan yörəm
    Otaq həmən, masa həmən, ruh həmən.
    * * *
    Sakit gecə, sözə bağlı bir canam
    Eşidirəm ürəyimin səsini.
    Uşaqlıqdan üzüyola insanam
    Nə deyir yazıram hər kəlməsini.
    * * *
    Elə gün olur ki, qapımı döymür
    Bəzən əzab verir ürəyim mənim.
    Olur ki, ruh verir xətrimə dəymir
    Nə bu günüm inciyir, nə də dünənim.
    * * *
    O, məni yaşadır, o, nəfəs verir
    Məni incitsə də, mən ona qulam.
    Əgər ağrımırsa boş həvəs verir
    Bilir ki tükənmiş , keçilmiş yolam.
    * * *
    Bu yaşa çatmışam, ona borcluyam
    Nə yazdım qəlbimin səsiylə yazdım.
    Vallah inanmıram yazmaqdan doyam
    Yazdıqca bu ömür yolunda azdım.

    YAĞIŞ YAĞIR
    Yağış yağır ümidlərim yuylur
    Çiçək ömrüm yavaş yavaş gül açır.
    Bu yağışdan saf diləklər ayılır
    Körpə kimi gülümsəyir, dil açır.
    * * *
    Damlaların tappıltısı oyadır
    Neçə neçə mürgüləyən hissləri.
    Qəm yuyulur, sanki rəngli boyadır
    Tam ağardır günah görmüş kəsləri.
    * * *
    Yağış yağır, həyat sanki canlanır
    Elə bil ki nəfəs alır kainat.
    Köhnə dərdlər yaddan çıxır sonlanır
    Gül arzular həmən açır qol qanad.
    * * *
    Bu his pasın çevrəsində bəxtimiz
    Yuyulmasa kif balayar pas atar.
    Nə yaxşı ki, selə dönüb axdınız
    Yağ ey yağış, yoxsa dünya tam yatar.

    Müəllif, Murad Məmmədov
    YAZARLAR.AZ

    • may 2022, زائـــور ا.

  • 152
Qərib

Roni Xamilyon

Dünyamda oldu Sevdirmədi Heç sənsiz Həyat mənə bağlıydı Etdi məni puç sənsiz Dərdlər Yadıma düşmür Deyil mənə vec sənsiz Sən məcbur eyləyirsən Gecələr Yenə......

Qatilimi Sevdim

Roni Xamilyon

Əllərinlə qazdın qəbrimi mənim Gülərək aldın əlimdən canı Günahkar mən özüm səbəbkarsa sən Yenə Aldandim çünki Neynim Bacarmadım Unutmağı Unutmagi Asand bilmə Özünlə......

Ölsəm unutma

Roni Xamilyon

Sevdim Dəli rüzgar kimi Dəyə bilmədim tellərinə Qismət olmadı sevib sevilmək Atdım ən dərinə Görsən Bəlkə Bir Yerdə Adımı Ya Şəklimi İntizarda Qoyma Məni Bir......

Dəli Doluyam

Roni Xamilyon

Sənə doluyam Sənə Doluyam Hisslərimlə Ya Boğulam Dənizində Ya ömr edim Hər izində Doluyam Bir Qədəh kimi Dəliyəm Gülündə Şeh kimi Yaylım axım......

Məni Bilmək İstəsən

Dəhnəli Məmməd Hacızadə

Məni bilmək istəsən, Bil, mən o mən deyiləm. Gülməyimə baxma sən, Könüldə şən deyiləm. Çəkdiyim acıları, Sevginlə ovuduram. Kövrəlib göz yaşımı, Damla-damla uduram. Məni bilmək......

Xəbərin Olurmu

Dəhnəli Məmməd Hacızadə

ruh kimi gəlib, İpək saçlarına sığal çəkirəm. Eşidib səsini şirin dilindən, Gah şəkər çəkirəm,gah bal çəkirəm. Duyunca həsrəti dəniz gözündə, Sanıram özümü sənin......

Heç

Şümşəd Hüseynova

Həyat vaxt ədalətli olmadı. vaxt eyni yerdən baxmaq olmur həyata. Bəziləri həyata bir addım öndə başlayır, bizim kimiləri isə geridən, onların ardınca yaralar......

Apar yanına

Şümşəd Hüseynova

Getmək istərəm bir qış səhəri — Qoyub yurdu, eli, şəhəri. Qoy ağlasın hamı, Fəryadlar göyə çəkilsin. Qırx gün verin, Yağışlar yerdən çəkilsin. , Tanrım,......

Səni araram

Şümşəd Hüseynova

Gözlərim yollardan yığışmır bir an, hər tində, hər küncdə . Bayaq da birinə gözüm sataşdı Gözlərim sən sandı, aldandı yenə... Daha dözmür ürək, açılmır......

Səssiz çağırış

Şümşəd Hüseynova

Bir payız səhəri gözlərimi açdığım andan üşüyürdüm. Yerim isti idi, ancaq mən niyəsə buz kimi idim. Ağlamaq istədim, ancaq göz yaşlarım qəsdimə durdu. Sanki həyat......