...
  • Zaur Ərmuğan - Yeni Şeirlər
  • YAZARLAR.AZ



  • ŞEİR YAZANDA
    Yazam,
    yamac ətirli.
    Payızam,
    yağışları çətirli.
    Yayam.
    Qışam.
    Belə yaranmışam.
    Dörd fəsli yaşayıram bir anda,
    şeir yazanda.
    3 may 2019


    İŞIQ DA, ZÜLMƏT DƏ...
    Vaxtın da quş kimi qanadları var,
    Güzəştə getməyən iradları var.
    Zamanın qəribə təzadları var,
    İşıq da, zülmət də əkiz doğulub.

    Talelər bir quru tükdən asılı,
    Çiyninə aldığı yükdən asılı,
    Pöhrələr rişədən, kökdən asılı,
    İşıq da, zülmət də əkiz doğulub.

    Yalanı, gerçəyi özəyindədir,
    Nəyi var, nəyi yox, öz əlindədir,
    Kainat bir cəzbin üzərindədir,
    İşıq da, zülmət də əkiz doğulub.

    Dünyanın sirrini bilməyib kimsə,
    Ha tut bu dünyanı, ağla, gülümsə.
    Əzəli yaranış, sonu ölümsə,
    İşıq da, zülmət də əkiz doğulub.
    payız, 2016


    VAXTI YOXDUR
    Yer fırlanır, göy fırlanır,
    Dünya, başın gicəlibdir.
    Bu sərsəri karuseldə
    İnsanlıq da kiçilibdir.

    Çox çıxmışıq cızıqdan biz,
    Sonu nədir qurğumuzun?
    Vallah, bizə baş qoşmağa
    Vaxtı yoxdur Tanrımızın!
    18 avqust 2018


    HAQQA QƏBİR QAZDIRANLAR
    Çox göz yumub yalanlara
    Düzü düzdən azdıranlar.
    Meydan verər talanlara
    Pisi yaxşı yazdıranlar.

    Fəndgir dinər ikibaşlı,
    Əlsiz qalar gözü yaşlı.
    Bilməz neylər başı daşlı,
    Yazıq yuxu yozduranlar.

    Haqqın özü hesab çəkər,
    Haqq ucalar, nahaq çökər.
    Ərmuğan, bil, boyun bükər
    Haqqa qəbir qazdıranlar.
    10 mart 2018


    DE SÖZÜNÜ
    Büdrəsən də, qalx ayağa,
    Vurma yerə tez dizini.
    Dünya budur, həyat belə,
    İpəyindən seç bezini.

    Biçiləni biçir dünya,
    İçiləni içir dünya,
    Keçilməzi keçir dünya,
    Kim doyurdar, kim, gözünü?!

    Sinəni heç oyma nahaq,
    Ürəyinə qıyma nahaq.
    Vədəsinə uyma nahaq,
    Çox bozardıb tərs üzünü.

    Dərd ümmandır, dərd dəryadır,
    Dərdsiz dünya nə dünyadır?!
    Barsız ömür boş səhradır,
    Əməlində gör özünü.

    Pay gözləmə boğçasından,
    Vəfa umma axçasından,
    Pisi ayır yaxşısından,
    Əyrisindən seç düzünü.

    Sual sorğu, nida cavab,
    Talelərin işi xarab.
    Bir gün varsa orda hesab,
    Doğru yolda tap izini.

    Dünya bizdən bac alıbdır,
    Demə daha qocalıbdır.
    Qocaldıqca ucalıbdır,
    Gəz dağını, gəz düzünü.

    Zaur, dünya baş aldadır,
    Verdiyini geri alır,
    Sonda tək bir məzar qalır,
    Vaxt var, yaşa, de sözünü.
    3 fevral 2018


    VARMI
    Oradan buraya gəldik,
    Ərsəyə-araya gəldik.
    Haradan hayana gəldik,
    Bu halda can tabı varmı?

    Beş günü qaradır yerin,
    Hər yeri yaradır yerin.
    Gəlmişəm, buradır yerim,
    Daha bir əzabı varmı?

    Dəryaya qərq olub dürrü,
    Gizlinə bürünüb sirri.
    Ha dolan bu küllü-ərzi,
    Suala cavabı varmı?

    Vaxtımız ələkdən keçir,
    Qəbrimiz bələkdən keçir,
    İşimiz mələkdən keçir,
    Yenə bir hesabı varmı?

    Əzəldən sonraya yol var,
    Adəmdən Tanrıya yol var,
    Dünyadan dünyaya yol var,
    Günah var, savabı varmı?
    10 mart 2018


    ALLAH, BURDAN DEVİR MƏNİ
    Hər ahım bir anı üzür,
    Nəfəs-nəfəs əriyirəm.
    Dərddən təzə dərd doğulur,
    Dərdi dərdə dirəyirəm.

    Didilirəm didim-didim,
    Uduluram udum-udum.
    Can yormuşam addım-addım,
    Günlərimi sürüyürəm.

    Dərd məhbəsdir, qəlb əsiri,
    Bitməz vaxtın kəm-kəsiri.
    Neyləyir dərd mən yesiri?!
    Ayaq üstə çürüyürəm.

    Soruşmayın, bu nə haldır?
    Bu nə vaydır, nə məlaldır?
    Könlüm dolu, dilim laldır,
    Kilidlənib kiriyirəm.

    Dərd bezdirib daha canı,
    Dərdi məndən qovan hanı?
    Ahlarımla bu dünyanı
    Mən özümə bürüyürəm.

    Həyat, ölüm... yollar haça!
    Dərd çıxarmı, görən, puça?!
    Dərd çölündən qaça-qaça,
    Dərd içinə yeriyirəm.

    Dərdmi belə sevir məni?!
    Dərd acgözdür, yeyir məni!
    Allah, burdan devir məni,
    Bax, yoluna yüyürürəm.
    16 yanvar 2018


    DARLIQ
    Ayaqlarım ilişib
    Yer kürəsi tələsinə.
    Təpiklərimlə döyəcləyirəm
    divarlarını dünyanın.
    Nə qaça bilirəm,
    Nə uça bilirəm
    bu darlıqdan.
    30 yanvar 2018


    YAŞAYASAN BU YAYI
    Söyüd çətirli,
    Çiyələk ətirli,
    Tut qoxulu,
    Oyaq-oyaq, yuxulu-yuxulu
    yay gəlir
    köhnə taxta məhəccərli,
    yaşıl sarmaşıqlı eyvana.
    Oturasan yay kölgəsində
    Dərdi bir yolluq olmayan kimi,
    Könlü qəhər-qəhər dolmayan kimi.
    Üzügülər,
    Gözügülər
    arzuların da
    dünyayla şirin-şirin zarafatlaşa
    çin çiçəklər
    işıq pəncərəsindən
    budaq-budaq,
    yarpaq-yarpaq
    daşa-daşa.
    Nə bir tələsi, qurğusu,
    Nə əzabları,
    Nə də can yoran sual-sorğusu
    ola həyatın.
    Ömür kimi, gün kimi dola həyatın.
    Yaşayasan bu yayı.
    11 iyun 2018


    BİLMİRƏM
    Ömür
    var-gəl edir vaxtın qapısı ağzında.
    Qapıdan içəridə bir həyat,
    çölündə ayrısı.
    Nəyi nəyə bağlayıb,
    nəyi nədən ayırır
    bu tale?!
    Olanına, olmazına
    Olummu, olmayımmı qane?
    Bilmirəm!..
    17 mart 2018


    LÖVHƏ
    Ağaclar köksü göy uca dağ kimi,
    Bəyaz çiçəklər də ağ göyərçindir.
    Çör-çöplü yuvalar lap yumağ kimi,
    Gülən tumurcuğun yuxusu çindir.

    Qızılı göldürmü qızıl lalələr?!
    Yel-yel ləpələnir yamac boyunca.
    Qol-boyun sarınıb tifil nanələr,
    Küləklər uğunur könlü doyunca.

    Quşlar yığnaq qurub bir dar koğuşda,
    Hər damcı yeddi göy qatından gəlir.
    Əynini isladıb bu yaz yağışda,
    Qoxusu daşından, otudan gəlir.

    Qalxıb dan yerindən yol gəlir bahar,
    Gözündə durulur bulud dolu su.
    Titrək nəfəsini bu torpaq duyar,
    Ilıq təbəssümü günəş dolusu.
    11 mart 2018


    YAĞIŞ DAMCILARI
    Yenə yağış yağır, damcı-damcı zər,
    Yenə yağış yağır, damcı təzə-tər.
    Buludlar alnından axır axın tər,
    Sellənib bir çılğın təşnəyə dönür.

    Damcılar buludun odu, közüdür,
    Damcılar səmanın gülən gözüdür,
    Damcılar yağışın elə özüdür,
    Sədası şipşirin nəğməyə dönür.

    Damcılar dupduru saf çeşmə kimi,
    Damcılar ətirli gül, qönçə kimi,
    Damcılar naz satır bir işvə kimi,
    Elə cilvələnir, qəmzəyə dönür.

    Damcılar toxunub, ilmə-ilmədir,
    Damcılar söz-sözdür, kəlmə-kəlmədir.
    Damcılar boy atır, pöhrə-pöhrədir,
    Çətiri ucada zirvəyə dönür.

    Su damır, bir bulud çatından gəlir,
    Yer üstə göylərin altından gəlir,
    Səmanın yeddinci qatından gəlir,
    Gəlir, xoş gəlişi müjdəyə dönür.

    Damcılar, damcılar, ləçək damcılar,
    Hərəsi bir arzu, dilək damcılar.
    Göz yaşlarınımı mələk damcılar?!
    Könüldə bir ülvi səcdəyə dönür.

    Damcılar yağışın öz yaraşığı,
    Paklıq mehrabında bir eşq işığı.
    Torpağın göylərlə qəlb barışığı
    Dinir dua-dua, qibləyə dönür.
    11 sentyabr 2019


    ƏBƏDİ BAHAR
    Bir zülmət içindən çıxıb günəşə,
    Özümlə gətirdim dünyama səni.
    Telinə taxdığım bircə bənövşə
    Əbədi bağladı yazına məni.
    22 avqust 2018


    ÖZÜNÜ MƏNDƏN QOPARMA
    Dilinə sözün yasağın,
    Qəlbinə kilid dodağın,
    Çəkilib əlin, ayağın,
    Bu yolun nədir niyyəti?

    Aç mənə o lal sirrini,
    O zəhər, o bal sirrini.
    Bəxtə ver vüsal sirrini,
    Dur öldür diri həsrəti.

    Göyümdən danı aparma,
    Sevdiyim anı aparma.
    Özünü məndən qoparma,
    Bu tale Tanrı qisməti.
    10 mart 2018


    İSTƏMİRƏM
    Mən ağladıqca
    Sən də süzülürsən gözlərimdən.
    İçim dolu sən imiş.
    Qorxuram,
    ayaqlarınla getdiyin kimi,
    göz yaşlarınla da tərk edəsən könlümü
    damcı-damcı.
    Daha ağlamaq istəmirəm.
    Qəlbimi
    sənsizliyə bağlamaq istəmirəm.
    21 iyul 2018


    SEVGİDƏN ÖTRÜ
    Həsrətə sevginin işığı düşdü,
    Ümidin ovcunda gəldin könlümə.
    Yollar ayrıcında sükut görüşdü,
    Bir anın özü də ömürmüş demə.

    Tutub əlimizdən apardı bizi,
    Bu tale karvanı azmaya barı.
    Öpdük döngə-döngə məhəlləmizi,
    Qaçdıq küçəmizdən dünyaya sarı.

    Kəsdik nəfəsini bəd şübhələrin,
    Çıxdıq dar içindən genişə yol-yol.
    Uymadıq felinə çox "bəlkə"lərin,
    Keçdik ay altından günəşə yol-yol
    Əbədi qalacaq sevgidən ötrü.
    avqust, 2018

    Müəllif, ZAUR ƏRMUĞAN

    YAZARLAR.AZ



    • avqust 2021, Yazarlar.az

  • 166
Belə Ayrılıq Olmur

Dəhnəli Məmməd Hacızadə

Dərddi dərdə calanan, hey üst-üstə qalanan. Baxma ki ortalıqda iztirabdı dolanan, . Dözmərəm göz yaşına, qəm dolu baxışına. Qəlbimdəsən getsəm də, dünyanın o......

Ağrının ssenarisi - (psixoloji-fəlsəfi janrda hekayə)

Tural İsmayılov

Gecənin sükutu mürəkkəb qurumamış vərəqlərimin üzərinə ağır bir duman kimi çökürdü. Pəncərənin önündə dayanıb, uzaqda, qaranlığın içində batan şəhərin işıqlarına baxırdım. Masamın üzərində on birinci......

Daha Səsləməyir Dan Yeri Bizi

Dəhnəli Məmməd Hacızadə

Göydə ay,ulduzlar yerdə sən və mən, Bir onlar oyaqdır, bir də, sən və mən. Qapılıb gecələr xoş xəyallara, Onlar bizə baxar, biz də onlara. Qalardı......

Ağ dumanın içindəki görən kor (fəlsəfi hekayə)

Tural İsmayılov

Atam deyirdi ki, dünyanı görmək üçün göz lazımdır, mən isə indi buna şübhə edirəm. O kitabı – vərəqləri künclərindən didilmiş, cildi günəşdən solmuş o qəribə......

Zaur Ustac - Zenitdəki Zenitçi

زائـــور اوستاج

Zenitdəki Zenitçi (oçerk) Azərbaycan xalqının qəhrəmanlıq salnaməsi yüz illər boyu Vətən uğrunda canından keçən igid oğulların adı ilə zəngin olmuşdur. Bu qəhrəmanlar yalnız bir ailənin......

Sona İsmayılova – Zakir Kaya’nın Medya ve Yayıncılık Çalışmaları

زائـــور اوستاج

Röportaj Editör Girişi Dr.profesor Zakir Kaya, Türkiye merkezli araştırmacı gazeteci, yazar olarak medya, yayıncılık ve edebiyat......

Araşdırmaçı jurnalist Zakir Kaya: Media, Ədəbiyyat və Müstəqil Düşüncənin Kəsişm...

زائـــور اوستاج

Müsahibə Mətni Müasir mediada sürət, görünürlük və rəqəmsal intensivlik artdıqca, məzmun istehsalının keyfiyyəti və......

Zaur Ustac - Mən

زائـــور اوستاج

Mən “Sizin yanınızda oturmaq istəyirəm” … (Qəndab – Ara-sor məni) Hər gün oyananda səhər mehində, Sübhün şəfəqində, danındayam mən. Telinin cığasın pozan küləyəm, Hər zaman......

Zaur Ustac - Aşiq gecələr

زائـــور اوستاج

Aşiq Gecələr (Qəndab – Aşiq gecələr) O zülmət gecənə şam olum, gülüm, O gül cəmalına aşiq gecələr! “İşıldaquş”ların işığı vecsiz, Əriyən mumlara aşiq gecələr! Pərvanə......

Abşeron təhsilində sözün və yaddaşın böyük bayramı

زائـــور اوستاج

Abşeron-Xızı Regional Təhsil İdarəsi müdiri hörmətli Ilhamə xanım Abdullayevanın dəstəyi ilə Xırdalan şəhər 8 nömrəli tam orta ümumtəhsil......