- Nuranə Rafailqızının Şeirləri
- YAZARLAR.AZ
-
NURANƏ RAFAİLQIZININ ŞEİRLƏRİ
Bir az səssizlik, bir az sənsizlik
Bir stəkan çay istəyirəm,
yanında da limonu.
Bir qırıq qənd parçası,
bir kağız, bir qələm
cızmaqara edim onu…
Vəssalam,
mənə bu da yetər hələlik!
Gün batar, ay doğar,
bir az səssizlik, bir az sənsizlik…
Soyuq istəyirəm,
sümüyümə işləsin, bürünüm şalıma.
İsidim sobanı, deyinim halıma:
-Lap üşüdüm,
xəstələnəcəm, Vallahi bərk!
Əynimi qalın geyinəydim gərək!
Danlayım, dansayım
sübhədək özümü,
Hesaba-kitaba calayım
əyrimi-düzümü…
Vəssalam,
mənə bu da yetər hələlik!
Gün batar, ay doğar,
bir az səssizlik, bir az sənsizlik…
Bir parça çörək də pis olmaz,
üstündə yağ-pendir.
Ey Fələk, bu gecə
könlümü gəl, dindir!
Bir sən ol, bir də mən,
bir də ki təkliyim,
Bitməsin sübhədək
əlindən çəkdiyim…
Durmadan özünə,
lap elə üzünə
eyləyim şikayət!
Ürəyim boşalsın nəhayət…
Vəssalam, mənə bu da yetər hələlik,
Gün batar, ay doğar,
bir az səssizlik, bir az sənsizlik…
14.11.2016.
Bircə sən yoxsan dünyamda
Hər şeyim var…
Atam, anam, bacım, qardaşım,
Sirrimi bölməyə dostum-sirdaşım.
Qohum-əqrəbam, yaxınım, yadım
Şərəfim, şöhrətim, izzətim, adım.
Bircə sən yoxsan dünyamda,
İlişib qalımsan röyamda…
Hər şeyim var..
Başımı salmağa evim-ocağım,
Qısılıb yatmağa küncüm-bucağım.
Halal zəhmət ilə rahat çörəyim,
Bir kitab yazacaq odlu ürəyim.
Bircə sən yoxsan dünyamda,
Yalnız arzumdasan, yalnız xülyamda…
Hər şeyim var…
Qızılım, mirvarim, incim-sədəfim,
Əqidəm, imanım, yönüm, hədəfim.
Başımın üstündə duran Allahım,
Xoşbəxt gələcəyə gedən sabahım.
Bircə sən yoxsan dünyamda,
Elə ona görə də
heç nə görünmür gözümə,
Bəzən, özüm də yad gəlirəm özümə…
Bircə sən yoxsan dünyamda,
Bircə sən yoxsan deyə
dağılır dünyam da…
03.09.2019.
Bulud qoymur səni görüm, ay Allah!..
Əzab çəkir içimdəki dəli ruh,
Biləmmirəm nə savabdı, nə günah.
Aç göylərin qaş-qabağın biryolluq,
Bulud qoymur səni görüm, ay Allah!…
Bulud qoymur səni görüm, ay Allah!
Göylər kimi içimiz də qapqara.
Ha yusaq da, ha sürtsək də xeyri yox,
Hisi-pası çətin bir də ağara.
Çətin yuyub təmizləyə bu yağış
Ruhumuzun palçığını-kirini.
Dünya özü yaranandan fırlanır
Bizim kimi o da tapmır yerini.
Nə yurdu var, nə heç kimin yuvası,
Hamımızın içi bulud havası…
Hamımızın içi bulud havası,
Şişir-şişir, dolur dərdi-qəmimiz,
Tapılmayır nə yönümüz-çəmimiz.
Tapılmayır qapımızın açarı,
Aç göylərin qaş-qabağın biryolluq,
Bulud getsin ömrümüzdən, ay Tanrı!
Bulud getsin ömrümüzdən, ay Tanrı!
Günəş gülsün, biz də gülək günəşə,
Ay-ulduz da gecələri boylanıb,
Dərgahından salam söyləsin bizə.
Seyr eyləyək üfüqü, dan yerini,
Dağ başında çəni, duman yerini,
Qürub çağı qürubdan da zövq alaq,
Aradabir dənizə də baş vuraq.
Dalğalansın yanımızdan ləpələr,
Könlümüzdən dolanır, daha nələr…
Bircə bulud tutmasın göy üzünü.
Aç göylərin qaş-qabağın biryolluq,
Tanrı, bizdən gizlətmə gəl üzünü!
Tanrı, bizdən gizlətmə gəl özünü!
16.04.2016.
Müəllif: Nuranə RAFAİLQIZI
NURANƏ RAFAİLQIZININ DİGƏR YAZILARI
NURANƏ RAFAİLQIZI DİGƏR MƏNBƏLƏRDƏ
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru - 269
iyun 2021, Yazarlar.az
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......