- Mayıl Dostu - Dünya həmən dünyadı... - şeirlər
- YAZARLAR.AZ
-
DÜNYANIN GÜNAHI YOX
Döyürük, söyürük çox nahaq yerə,
Günahı nədir ki, fağır dünyanın.
İnsanın əməli göz görə -- görə,
Çəkisin azaldır ağır dünyanın.
***
İnsandır dünyanın gərdişin əyən,
Fitnəsi, fəsadı baş alıb gedir.
"Şeytan öz içində", yoxdu bir deyən,
Daşı daşlamağı - daş alıb gedir.
***
Əlinin papağın başından alıb,
Kələklə, Vəlinin başına qoyur.
Bu boyda cahanı insan kiçildib,
Az qala, üzüyün qaşına qoyur.
***
Tamah at oynadır, nəfis tüklənir,
Zənginlik, var-dövlət meydan sulayır.
Halallıq, ədalət, mərdlik təklənir,
Çaqqal nərə çəkir, aslan ulayır.
***
Dünyanı çürüdür şöhrət azarı,
"Mənəmlik" sevdası amala dönüb.
Dünyamız olubdu silah bazarı,
Qan tökmək istəyi kamala dönüb.
***
Bir tonqal qalayıb atıbdı ora,
Günahsız dünyanı qaynadır insan.
Axı, dünya hara, oynamaq hara?
Dünyanı "Yallı"ya oynadır insan.
==============================
B U R D A
Azərbaycan üzük, Şuşam qaşıdı,
Murov, Qırxqız tariximin yaşıdı,
Kəlbəcərim yaylaqların başıdı,
Təbiət dil açır, dillənir burda.
***
Çəmənlər elə bil, nazlı pəridi,
Talalar meşənin xallı zəridi,
Təbiət danışır, sanki diridi,
Yamaclar gül açır,güllənir burda.
***
Həkəri, Bərgüşad nəğməli dilim,
Tərtər Dəlidağa uzanan əlim,
Xaçınla Qabartı çağlayan selim,
Çaylar selə dönür,sellənir burda.
***
Azad Qarabağdan doğma səs gəlir,
Torpaqlar sevinir, əziz kəs gəlir,
Adamın canına xoş həvəs gəlir,
Arzular göylərə millənir burda.
12. 01. 2021.
==============================
KƏNDİMƏ GETMƏK İSTƏYİRƏM
İyirmi doqquz il həsrət çəkmişəm,
Ömürü şumlayıb sitəm əkmişəm,
Hər qarışa şəhid qanı tökmüşəm,
Haqqımdır yerimək doğma kəndimə.
***
İsti - isti dyülməli du dəmir,
Yoxsa,çox su aparacaq bu xəmir,
Gözləyirəm yuxarıdan gəlsin əmr,
Haqqımdır yerimək doğma kəndimə.
***
Silahlı erməni Yurdumda hələ,
Verməyək papağı ta günə, lələ,
Düşmənim qursa da yüz tor,yüz tələ,
Haqqımdır yerimək doğma kəndimə.
***
Gah Ağdərə, gah Ağdama baxırıq,
Sağa, sola, hər tərəfə axırıq,
Ta dözə bilmirik, yola çıxırıq,
Haqqımdır yerimək doğma kəndimə.
***
Üzü Sırxavəndə, baxıram Yurda,
Silahlı erməni hərlənir burda,
Dönmək istəyirəm yırtıcı Qurda,
Haqqımdır yerimək doğma kəndimə.
***
Qələbə çatmalı Sırxavəndimə,
Ağdərə ünvanlı hər bir kəndimə,
Tanrım, ucalıqdan bizi endirmə,
Haqqımdır yerimək doğma kəndimə.
13. 01. 2021.
==============================
YADIMDAN ÇIXMIR
Şimşəyin dağlara alov kötəyi,
Palıd gövdəsində arı pətəyi,
Yamyaşıl meşənin güllü ətəyi,
Dümağ quzey qarı yadımdan çıxmır.
***
Daş Bulağın nərgiz dolu yolları,
Nabatın meşəni qucan qolları,
Sızqanın döşündə moruq kolları,
Yurdun bulaqları yadımdan çıxmır.
***
Ballı Qaya zirvələrin tacıdı,
Sığnağın qardaşı, Şişə bacıdı,
Dəmirçi Güneyi müdrik qocadı,
Ulbabın vüqarı yadımdan çıxmır.
***
Qırxqız, Murov yaranışdan tamaşa,
Gül - çiçək Kar Daşı büküb qumaşa,
Xaçın çayla dar dərələr baş - başa,
Şahqulunun Darı yadımdan çıxmır.
***
Meşələri meyvə dolu bağçaydı,
Zoğal, əzgil, alma - armud, alçaydı,
Qoz, fındıqla naxışlanmış boğçaydı,
Meşənin bol barı yadımdan çıxmır.
***
TalalarI yaşıl rəngə bürünən,
Qırxbuğumu dar cığırla sürünən,
Kol dibində bənövşəsi görünən,
Baharın nübarı yadımdan çıxmır.
***
Ayların mələyi sevimli Maydır,
Çeşməli dərələr cənnətə taydır,
Buralar Tanrıdan ən gözəl paydır,
Yurdumun qübarı yadımdan çıxmır.
==============================
İNSAN OLSAM BƏSİMDİ
Güzarım çox düşdü çənə, dumana,
Büdrədim, yıxıldım, amma azmadım.
Məndən şit məddahlıq, tərif umana,
Bircə misralıq da tərif yazmadım.
***
Həyatım sığallı, hamar olmadı,
Ömür yollarına tufanlar əsdi.
Fərəhim boy atıb yaşa dolmamış,
Fələk sevincimin nəfəsin kəsdi.
***
Haqsız gördüm, əlim haqdan yapışdı,
Dürüstlük istəyim, məramım oldu.
Ömrüm taleyimlə küsdü, barışdı,
Ünsiyyət, mərhəmət qərarım oldu.
***
İnsan köçüb gedir, xatirə qalır,
Yaxşını, yamanı yazan özünsən..
Qismət də, tale də nahaq suçlanır,
Dərin də, dayaz da qazan özünsən
***
Uca tutdum sadəliyi, kamalı,
Ədalət, həqiqət aldığım dərsdi.
İstəmirəm nə dövləti, nə malı,
Desələr "insandı", bu mənə bəsdi.
Müəllif: Mayıl Dostu
YAZARLAR.AZ
====================================================
ƏLİFBAMIZDAKI HƏR BİR HƏRFƏ AİD İKİ ŞEİR, HƏR RƏQƏMƏ AİD İKİ TAPMACA, AYLAR VƏ FƏSİLLƏR HAQQINDA YENİ ŞEİRLƏRİ AŞAĞIDAKI KEÇİDDƏN İSTİFADƏ ETMƏKLƏ OXUMAQ OLAR:
GÜLLÜNÜN ŞEİRLƏRİ KİTABI – BÜTÜN HƏRFLƏRƏ AİD ŞEİRLƏR
“USTAC.AZ” FƏRDİ İNKİŞAF və YARADICILIQ PORTALI
<<<<XİDMƏTLƏR>>>>
Təqdim edir: Zaur Ustac
USTAC.AZ
WWW.YAZARLAR.AZ VƏ WWW.USTAC.AZ
Əlaqə: Tel: (+994) 70-390-39-93 E-mail: zauryazar@mail.ru
30 İYUN 2019 -CU İLƏDƏK MÖVCUD OLAN YAZARLAR.AZ
============================== - 113
yanvar 2021, Yazarlar.az
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......