- Yolunu azan adam
- Mükafat Yaqub
-
Mükafat Yaqub
Yolunu azan adam
Bu qərib dünyanın
dolay yolları,
Aparar, ötürər
xəzana sarı,
Bu qərib dünyanın
qolay yolları,
Yolundan çıxarar
çox oğulları.
...Yolundan çıxmısan,
ay azan adam,
Gəl sənə göstərim
asan yolları.
Geriyə dönüş yox
bu yoldan, adam,
Göstərim nəfsini
asan yolları.
Əvvəlcə, bir dayan,
ay azan adam,
Söykən bir ağaca,
əlin köksündə.
Üzülmüş ümiddən
pay qazan, adam,
İmkan ver gümana,
dilin töksün də...
Alnından süzülən
soyuq təri sil,
Dinlə ümidi də,
bir gümanı da.
Son addım, son təpər,
hələ son deyil,
Dinlə, səndən dözüm
bir umanı da.
Fikirləş, bir düşün:
-harda oturum,
Qarşıma daş qoyum
papaq əvəzi?..
Geriyə dönüş yox,
qabaq uçurum,
Çəksin günahımı
bu daş tərəzi...
Sənin günahın çox,
ay azan adam,
O daş tərəzinin
qopma yalından.
Sənə əfv-aman yox,
ay azan adam,
O daş həqiqətin
qopma salından.
Səni insanlar da
bağışlamaz heç,
Yapış o qayanın
ayaqlarından.
Səni qanunlar da
bağışlamaz heç
Sarıl, o qayanın
sarıl, boynundan .
O daş həqiqətin,
o sal qayanın,
Əyil, ayaqlarının
altını qazı.
O daş ürəkli
Yalçın Qayanın,
Ayağı altından
tap alın yazın.
O səni suçlamaz,
bağrına basar,
Əgər tövbə etsən
günahlarından.
O daş muncuqları
boynundan asar.
Bir dərviş yaradar
günahlarından.
Əllərin asılar
göy qübbəsindən,
Saqqalın ağarar
Tanrı xofundan.
Daşlar da ağlayar
kövrək səsindən.
Titrəyər əllərin,
ay azan adam.
Tövbələr, dualar
çat dodağında,
Buzlaşıb qalarlar
sır-sıra kimi.
O Yalçın Qayanın
daş kipriyindən,
Asılar göz yaşın
yarasa kimi.
Tanrı günahından
keçər o zaman,
Qayanın süzülər
yaş kipriyindən...
Çəkilər pərdələr,
çökər toz-duman,
Təbəssüm asılar
qaş-kipriyindən.
Öyrən tərki dünyalığı, o şamanlardan,
Üz-üzə Tanrıyla qal,bu qaya altda.
Sən günahlarını
qara daşa yaz,
Bəlkə də göyərər
o qara daş da.
Yüz illik ibadət
çox uzun deyil,
sevinər bəxtinə
göyərən daş da.
Qaz, Yalçın Qayanın
ayağını qaz,
Uzun caynaqların
köməyə çatsın.
Daha insan deyil,
Dağ ayağı qaz,
Dizlərin çatlasın,
köksün qabarsın.
Qan istəyirsənsə,
dilin qanayar,
O Yalçın Qayanın
daş yalağında.
Əlləşib-arama,
əqrəb dalayar,
O Yalçın Qayanın
daş balağında.
Qaz, Yalçın Qayanın ayağını qaz,
Bir gün su fışqırar...
Bəlkə pir olar...
Allahım, zavallı,
azan adamın,
Ayaqlar altını
qazan adamın,
Yüz ilə qəbrini
qazan adamın,
Əgər mümkündürsə,
günahını yaz,
O Yalçın Qayanın...
...ayağına yaz...
Yaqubov Mükafat.
- 192
iyul 2018, Mükafat Y.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......