- Solaxay
- Mükafat Yaqub
-
MÜKAFAT YAQUB
SOLAXAY
(Kiçik hekayə)
Cəbhədən qayıdan zabit oğlunu ailəqarışıq həyətdə qarşıladılar. Hamı sevinirdi. Anası yaylığı ilə göz yaşlarını qurulamağa macal tapmırdı. Ayrılığın, həsrətin, nisgilin, nigarançılığın acısı idi, gözlərindən süzülürdü. Atası oğlunu zəif qolu ilə bağrına basıb ayrılmaq istəmirdi. Zabit mundirindən ona da tanış olan, bu iyirmi dörd ildə hələ də qoxusu burnundan getməyən, barıt, səngər torpağının və doğma yurdun ətrini ciyərlərinə çəkdi. Sanki bütün dünya nemətlərindən doymuş kimi toxtadı. Bu aprel səhəri, yaz nəfəsi ilə birlikdə qələbə rayihəsi də gətirmişdi.
Hamı stol arxasına keçdi. Bacısı çay gətirdi. Əvvəl atasının, sonra da onun qabağına qoydu. Ata oğlunu bir daha qucmaq istədi. Amma sağ tərəfində oturduğuna görə çiyni ilə ona qısıldı. Sonra isə:
-Keç, ürəyimə yaxın tərəfdə otur, - dedi.
Hamının gözü bir daha yaşardı. Oğlu atasının sol tərəfindəki stula əyləşdi. Ata zəif qolu ilə onu özünə sıxdı. Başını əyib saçlarından öpdü:
-Demək, qisasımı aldın...
-Hə, ata, aldım. Amma hələ əsil döyüş qabaqdadı. Onda hamının qisasını alacağıq...
Bir müddət beləcə oturdular. Ana iftixarla həyat yoldaşına və oğluna baxaraq, yenə də nisgilini gözlərindən axıdırdı.
Birdən, ata oğlunun əvvəlki yerində qalmış çayını götürüb soluna, - onun qabağına qoymaq istəyəndə stəkan aşdı və isti çay stolun üstünə dağıldı. Ana və bacı təlaşla süfrəni qurulamağa başladılar.
-Ata, niyə zəhmət çəkirdin...
-Kaş, anadan solaxay doğulaydım, - deyə ata bu iyirmi dörd ildə ilk dəfə olaraq təəssüfləndi...
MÜKAFAT YAQUBOV
13 aprel, 2017-ci il. Lerik.
- 134
noyabr 2017, Mükafat Y.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......