- Sınmış budaq...
- Meyxoş Abdullah
-
Sınmış budaq...
(hekayə)
... Bir xeyli vaxt bundan qabaq, xarici ölkələrin birində, daha dəqiq desəm, Macarıstanın Esterqom şəhərində istirahətdəydim. Bütün şəraitin olmasına baxmayaraq yaman darıxırdım. Darıxmağımın da səbəbi buradakıların dilini yaxşı bilmədiyimə görə heç kəslə dərdləşə bilmirdim. Çünki mənqarışıq hərə bir ölkədən gəlmişdi.
Sanatoriyanın gözəlliyi, hər cür xidmət mənim eynimi açmırdı ki, açmırdı. Qərara gəlmişdim ki, əgər bir-iki gün də belə davam eləsə şələ-şüləmi yığışdırıb çıxıb gedəcəyəm buradan, cəhənnəm olsun aldığım müalicə də, - düşünürdüm.
Məni qınamayın, bizim bir-birimizlə yola getməyimizə, bir-birimizin ayağının altını qazmağımıza baxmayın, qəribçilikdə özümüzkülərçün yamanca darıxanıq.
... Hə, belə darıxdığım günlərin birində əlimi belimə qoyub sanatoriyanın həyətində gəzişirdim. Bir də baxıb gördüm ki, sanatoriyanın həyətindəki alma ağaclarından birinin budağı sındırılıb, budaq sallana-sallana ağacdan asıla qalıbdır.
Budaq təzəcə sındırılmışdı, nöşün ki, sınmış budağın yarpaqları təzə-təzə ölüşküyürdü.
Bərk dilxor oldum, öz-özümə fikirləşdim ki, hansı zalımoğlu bu budağı sındırıb, axı ağacın üstündəki meyvələr hələ yetişməyib, göm-göylüyündən acılığını apaydın hiss etmək olurdu.
Birdən, nə fikirləşdimsə canımdan bir istilik keçdi, ürəyimdə yavaş-yavaş ümid işığının işartılarını hiss etdim. Elə bil, çoxdan həsrətində olduğum bir şeyi tapmışdım. Çönüb dördbiryanıma nəzər saldım, heç kəs gözə dəymirdi. Birbaş sanatoriyanın yeməkxanasına tərəf götürüldüm. Nahar vaxtı olduğundan hamı yeməkxanada idi.
İçəri girib qapının ağzındaca dayandım və oradakıları diqqətlə nəzərdən keçirməyə başladım. Hamının başı yemək yeməyə qarışdığı üçün, heç kəs mənim kimi və ya nəyi axtardığımla maraqlanmırdı. Mən isə axtarırdım və ürəyimə dammışdı ki, axtardığım kəs burada olmalıdır. Bəs, o axtardığım adamı bu qədər insanın arasında necə tapacaqdım, özüm də bilmirdim? Gördüm yox, belə getsə istədiyimə nail ola bilməyəcəyəm. Odur ki, üzümü zalda oturanlara tutub ucadan qışqırdım:
- Eyyy... qardaşlar!... Burada Azərbaycandan kim var?!..
Heç kəsdən səs çıxmadığına və səsim qulağımda əks-səda verdiyinə görə bir az utandım. Zənn etdim ki, yəqin buradakılar məni anlamadıqlarına görə susurlar. Elə hazırlaşırdım ki, bir də qışqıram, onda baxıb gördüm ki, pəncərənin yanındakı stolların birindən, iyirmibeş, otuzyaşarası, qarayanız gənc bir oğlan ayağa qalxdı və ağzını dəsmalıyla silə-silə:
- Caaan... eloğlu!!! Səsinə qurban olum, mənəm Azərbaycandan!.. - dedi və üstümə yüyürdü.
Bir-birimizə sarıldıq. Sonra onun çiyinlərindən yapışıb özümdən bir qədər araladım, diqqətlə üzünə baxdım və bərkdən gülməyə başladım.
Oğlan heç nə soruşmadan təəccüblə üzümə baxırdı, yəqin ki, gülməyimin səbəbini öyrənmək istəyirdi. Mən isə elə hey gülürdüm.
Birdən həmyerlim soruşdu:
- Qardaş, de görüm mənim bura gəldiyimi sən haradan bildin?! Axı, heç yarımcasaat deyil ki mən bura çatmışam.
Gülməyimə birazca ara verib dedim:
- Eloğlu, sanatoriyanın həyətində bir ağac budağı sındırılmışdı, bildim ki...
O mənim sözümü ağzımdaca qoydu:
- Alma ağacını deyirsən?! Zəhrimara qalmış, sən demə, hələ yetişməyibmiş, zaqqo kimiydi e...
Yenidən bir-birimizə sarıldıq.
- 1263
dekabr 2017, Meyxoş A.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......