- “Ana harayı” silsiləsindən
- Məfkurə Rəhimqızı
-
Ümid
Eşitmişəm oğulsuzun
Cənazəsi əyri gedər.
Bu dünyadan son gedişdə
“Oğul” -deyib fəryad edər.
Eşidilməz səs -sorağı,
Harayına çatan olmaz.
Oğulun əli dəyməmiş
Gözlərini yuma bilməz.
Axirətdə görüşməkçün
O, ümidilə gülümsəyər.
Qalanlara dua edib,
Ürəyində fəryad eylər...
Mənə dözüm verin...
Oğul itirən analar,
Dərdinizə qurban olum.
Dözüm tapıb səbr edənlər,
Səbrinizə qurban olum.
Yalvarıram, nə olar ki,
Mənə ümid, dözüm verin.
Ürəyimə yüklənibdir
Dərdi-səri göyün-yerin.
Od tutubdur içim-çölüm,
Alışıram sönəmmirəm.
İlqarsızam, hanı əcəl,
Öləmmirəm, öləmmirəm...
Gedək evimizə...
Yad evlərdə qalammıram
Dur gəl gedək evimizə...
Əziz Gəncəmizə gedək,
Qoy yar olsun Tanrım bizə...
Sənsiz tək gedə bilmirəm,
Hər ikimiz birgə gedək.
Özgə evdə öləmmirəm
Ölməksə də birgə ölək...
Əlimdən tut apar məni
Bu əzabdan qurtar məni ...
Sənsiz...
Varım-yoxum, ömrüm-günüm,
Necə dözüm, oğlum, sənsiz?
Həyatım dönüb zindana
Necə dözüm, oğlum, sənsiz ?
Sən gedəni günüm qara,
Ürək olub ala-para,
Möhtac qalmışam yadlara
Necə dözüm, oğlum, sənsiz?
Tale üzümə gülmədi,
Axır günüm xoş gəlmədi.
Mən öləydim əvvəlcə kaş,
Nəyə lazım bu qədər yaş?
Öləmmirəm, oğlum, sənsiz...
Uzun bir yol...
Yolum uzun, yüküm sal daş
Aparmağa taqətim yox.
Sağım yoxuş, solum yoxuş,
Harayıma çatanım yox....
Nədən düşdüm bu hala mən,
Bu nə gəliş, nə gedişdi?
Ölmək mənim növbəm isə,
Oğlum niyə önə düşdü?
Düşüb düzü -biyabana
“İlqar” deyə -deyə qaldım...
İlqarımı tapammadım,
Elə hey alışıb yandım.
Günahım nəydi?
Hamı deyir dözümlü ol !
Dözüləsi dərddimi bu ?
Od alaraq alovlanıb
Qövr edəcək ömrüm boyu...
Varlığımın nuru gedib
Kor etsədə gözlərimi,
Oğul dərdi öldürəcək
Son nəfəsə, qəbrə kimi.
Həyatımı düşündükcə
Ürəyim qəmdən üzülür.
Göz yaşlarım qətrə-qətrə
Axıb qəlbimə süzülür.
Nə hallara düşdüm Allah,
De, nəydi mənim günahım?
Gələnim yox, gedənim çox,
İndi sənsən tək pənahım.
Yalvarıram Ulu Tanrı
Bağışla sən günahımı.
Ya səbr ver, ya da qəbr,
Gəl halalca al canımı.
Suallar...
Zalım fələk, neyləmişəm mən sənə,
Taleyimi niyə alt-üst eylədin?
Bü dünyamı zülmətlərə bürüyüb,
Məni dərdlə, qəmlə sən “dost” eylədin.
Heç bilmirəm mən yerdəyəm, ya göydə,
Ölüyəmmi - diriyəmmi, kiməm mən?
Zəlil etdin məni niyə, İlahi,
Taleyimi qara yazdın niyə sən?
Döndün-döndün dağlar çəkdin sinəmə-
Sualım var: Neyləmişəm mən sənə?
- 763
sentyabr 2023, Məfkurə R.
Dəhnəli Məmməd Hacızadə
O gün Şəkiyə getdik, Yaxşı görək, daa dimə. Eşit,gör nə eşitdik, Yaxşı görək, daa dimə. Xan qayıdıf gəlitdi, Halımıza gülütdü. Bə diyirdoz ölütdü? Yaxşı görək,......
Dəhnəli Məmməd Hacızadə
Bu yerlərdə bir el var, Bilooz,diyim haindi. Burda şipşirin dil var, Cözoo yiyim haindi. Hayva böyun əyitdi, Sararalıtdı,dəyitdi. Ceem cööm cəlitdi? Toydan ciyim haindi. Giriş......
Dəhnəli Məmməd Hacızadə
Gəl açaq biz xoruza bir qafiyə , Quqquluqu. Hələ kimsə yazmayıb,sirr qafiyə Quqquluqu. Paylaşır öz səsini mələk gördükdə bu qərib, Dərk etməz insan oğlu dürr......
Dəhnəli Məmməd Hacızadə
Niyə kinli olduğun soruşdular dəvədən. Dəvə də,hirsli-hirsli tez çıxdı hövsələdən. Dedi: -mən bu həyatın acısını yaşadım, Duz dedilər daşıdım. Qənd dedilər daşıdım. Canla-başla getmişəm ağamın......
Dəhnəli Məmməd Hacızadə
Alar qucağına bizi bu dünya, Biz ona lap körpə yaşdan . Açıb vərəqlərik hər səhifəsini, Çalışıb əvvəldən,başdan . Aldadar dünyanın ləzzəti,duzu, İstərik çoxunu,bəs edər azı.......
Dəhnəli Məmməd Hacızadə
gizlədər hər sirrini. Saxlar əl çatmaz yerdə zinətini,dürrünü. Baxıb göyün üzünə, sinəsi qübar eylər. Pıçıldaşar ləpələr, həya eylər,ar eylər. ,......
Dəhnəli Məmməd Hacızadə
Biri vardı, biri yoxdu, olan səndin, olmayansa sənsiz günüm. Nə azıydı,nə çoxuydu, səndən qeyri gün yoxuydu başqasını düşünüm. Bir sən vardın, düşüncəmin sənsiz günü yox......
Dəhnəli Məmməd Hacızadə
Öz könül bağına baxsan azacıq, Görərsən ətirli çiçəkdi . Alıb ətrafını qönçə,tumurcuq, Açılan təzətər ləçəkdi . sız bir dünya dəyməz gözünə, Kimdi sığdırmayan onu özünə?......
Dəhnəli Məmməd Hacızadə
Görərsən gəzsən əgər dünyada bir danə Bakı. Xəzərin sahilində bərq vuran dürdanə Bakı. Xəzərdir badəsində meyxoş edən piyaləsi, Əyləşibdir taxtında bənzəyir sultanə Bakı. Canıının parçasıdır......
Dəhnəli Məmməd Hacızadə
Burda hər tərəfi qar örtüb gülüm, Yenə xəyallarım baş alıb göyə. Birgə seyr edəydik,istədi könlüm, Düşündüm sən qarı sevirsən deyə. Qartop oynayaydıq uşaqlar kimi, Ayaq......