- Yaxşılıq haqq işığıdır (Esse)
- Əzizağa Elsevər
-
Yaxşılıq haqq işığıdır (Esse)
Yaxşılıq! Ürək genişliyi, könül saflığı. Nəciblik, nəcabət. Haqq işığı hər ürəkdə doğulmaz. Hər gözdən süzülüb könülləri isidə bilməz. O, başımız üstündə dolaşan müqəddəs ruhların işığıdır. Kimdə iynənin ucu boyda o işıqdan pay varsa, açar yaxşılığa qəlbinin qapılarını taybatay, ümidsizin ümid çırağına dönər, inamsızın əlindən tutub haqq yoluna çıxarar. Haqq yolu- əbədiyyət yolu. Bu yola yaxşılar çıxar, nəsillərin əmanət yükünü zamanın körpüsündən keçirib aparar. Zaman sınağa çəkər bəni- adəm övladını. Yaxşılardan yaxşılıq qalar, pislərdən pislik. Yaxşılıq qapını döyər, yaxşılığını qaytarmaq üçün. Yaxşılıq yerdə qalmaz. Yaxşılığı bacarmayan bədbəxtdir. Sabahına göz yuman bədbəxt... Günahlarıyla övladlarına özü boyda dərd qoyan bədbəxt... Pislikdən nə çıxar? Vallah, pislikdən dünya da bezardır, dərdli, vərəmlidir. Bir ömürdə insana yaxşılıq gərəkdir. Hər ömür yaxşılığa, yaxşıya möhtacdır. Yaxşılıq etməyən pislik görər. Yaxşılıq yaxşıların ürəyində döğulub, çiyinlərində gəlir dünyaya. Gözündən, könlündən tökülür cahana.
Yaxşılıq! Əvəzi gözlənilməyən gözəllik. Artdıqca daha da qədirlənib qiymətlənən zinət. Hər şeyi özünə ram edən güc, qüvvət. Ən kəsərli silah, mərdin peşəsi, sevgisi. Xeyirxahlıq toxumu. Səpin, səpin dünyaya! Qoy o toxumlardan cücərib gözəllik boylansın. Gündüzlər Günəşin, gecələr Ayın gözündə yuyunub cilvələnsin. Yaxşılıq bir nəğməyə dönüb, ruhları oxşasın, fikrimizi təzələsin, qanadlarında bizi ənginliyə, ənginliyə aparsın.
Yaxşılıq- yoldur. Ən uzun yol. Nə qədər can atsan da sonuna çata bilməzsən. Yaxşılıq yaxşılığın, yaxşıların içindən keçib gedir. Dünənki əlçatmazlığı bu gün arxada qalır, sabahkı yolları ayaqlarına döşənib sonsuzluğa, ucalığa aparır. Var- dövlət kimi bitib- tükənmir yaxşılıq. Verdikcə, birə-beş olub sahibinə qayıdır. Sanki dünyanın özü boyda yaxşılıq olub qayıdır.
Yaxşılıq pis dilləri kəsər, həmişə xatırlanar. Yaxşılar yaddaşlara köçüb zaman - zaman yaşayar. Doğulan hər təzə körpənin təbəssümündə, saf gülüşündə dünyaya doğulub gələr. Yaxşılıq dil açıb danışar, yaxşılardan danışar. Yaxşı ölərsə- özü dincələr, pis ölərsə- aləm dincələr. Düşməninə qalib gəlmək istəyən ona yaxşılıq etməyi bacarmalıdır. Yaxşılıq düşməndən alınası ən böyük intiqamdır. Çünki sən onu yaxşılığınla vicdanı ( əgər o varsa?!) qarşısında tək-tənha qoyursan. Vicdan əzabı dünyanın ən böyük əzabıdır. Vicdan əzabı çəkənin içində haqq işığı yanar. Haqq işığı pislərin əlindən tutub yaxşıların cərgəsinə qatar. Yaxşı adam öz eybini görüb, özgə eybinə göz yumandır. Dünya və dünyanın malı aradan gedər, yaxşı işlər isə əbədi qalar. Yaxşılığa, yaxşı olmağa çalışın, ay insanlar!.. - 143
fevral 2021, Əzizağa E.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......