- Ağaclar da vətənsiz olmur... (Hekayə)
- Əzizağa Elsevər
-
Əzizağa Elsevər
Ağaclar da vətənsiz olmur... Hekayə
Ad günündə atası Tərlana balaca bir fikus ağacı almışdı. Qucağına götürüb üzündən öpə-öpə: “ Oğlum mənim, bu ağac kimi həyatda həmişə gözəl və işıqlı ol! Boy at, böyü, günəş istəkli, günəş arzulu ol! Heç vaxt kölgəyə sığınma, qoy həmişə öz kölgən olsun, mənim balam!..”- demişdi.
Ağacı eyvana qoymuşdular. Orda günəş işığı, hava bol, suyu da ki, yerində. Tərlan hər gün ən azı yüz kərə başına dolanır, yorulanda oturub, əlini çənəsinə söykəyib saatlarla ona baxırdı. Kiçik fikus da, elə bil , bu məsum baxışların işığında balaca Tərlanın istəyinə qoşulub onunla birgə yavaş-yavaş boy atırdılar. Tərlan ona mahnı oxuyur, baxçada öyrəndikləri şeirləri asta-asta pıçıldayırdı. Vallah, elə bil, körpə fidan da onun isti nəfəsini duyur, azacıq sərin mehdən yarpaqlarını tərpədib salamlayırdı. Tərlan oyuncaqlarını fikusun əkildiyi dibçəyin ətrafına düzürdü. Düzürdü ki, o, baxçadan gələnə qədər ağac darıxmasın, onlarla oynasın, başını qatsın. O, baxçada da dostlarına bu ağacdan danışır, birgə oynayıb, birgə boy atdıqlarını söyləyirdi. Hətta rəngli karandaşlarla şəklini çəkib dostlarına da göstərirdi.
Tərlangilin evi köhnə evlərdən idi. Adına “Xruşovka” deyilən bu evlər çoxdan vaxtını keçirib, necə deyərlər, qocalmışdı. Bir gün “yuxarıdan” gəlib, əlləri böyüklərin ətəyində olan “dayılar” təzə ev tikilənə qədər köçüb müvəqqəti kirayədə qalmağı bildirdilər. Evin yerində daha uca, daha yaraşıqlı ev ucaldacaqdılar. Köhnə evlərinə öyrəşmişdi Tərlan. O ev elə isti, elə doğma gəlirdi ki, köçməkləri də heç ürəyincə deyildi. Ancaq köçürtdülər, bir gecənin içində binanı da söküb, o böyüklükdə beşmərtəbəli evi yerlə bir etdilər. Elə bil hansısa müharibədən çıxmışdı bina. Viranəliyi xatırladırdı. Sanki yerlə bir olan o daşların altında qalmışdı insanların arzuları, ümidləri. “Alimlər evi” deyilən o evə belə vəhşilik yaraşmazdı. O ev çox alimlər yetişdirmiş, çox insanları ucaldıb şöhrət mərtəbəsinə qaldırmışdı.
Müvəqqəti kirayə qaldıqları üçotaqlı mənzil geniş və yaraşıqlı olsa da, eyvanı yox idi. Tərlan bura isinişə, uyuşa bilmirdi. Axşamlar da yuxusu ərşə çəkilir, tez-tez ağlayıb: “ Evimizi, öz evimizi istəyirəm!..”- deyirdi. Anası dilə tutur, atası həyət-bacaya gəzməyə çıxarırdı ki, bəlkə sakitləşə, olanları unudub, aramlıq, rahatlıq tapa. Ancaq heç nə alınmırdı. Onun içindəki sıxıntısı, üzüntüsü ap-aydın üzündən, gözündən oxunurdu. Elə bil şirin gülüşləri dodaqlarından çəkilmiş, həmişə təbəssümlü çöhrəsini süstlük, yorğunluq bürümüşdü. Bütün ailə bu ovqatda idi. Ancaq neyləmək olardı, bu da bir qismət idi, dözüb çətinliyi, ağrı-acını da ötürməli idilər. Yer, yurd itkisi nə olduğunu bilmirdilər. Evləri də onlara yurd idi. Onu itirəndən sonra bu itkinin nə demək olduğunu anladılar. Bu itki hər gün bir ağrı, bir acı idi döyürdü qapılarını. Rahatlıqlarını əllərindən alıb, sığındıqları kirayə evində göyüm-göyüm göynədirdi onları. Yedikləri çörək də, içdikləri su da dadını itirmişdi elə bil. Sanki havaları çatmırdı. Doğmalar içində o doğmalığa isinə bilmir, sanki gözə görünməz hansı bir sədsə onları ayırırdı. Dünya dərdləri ilə başlarına dolanır, hər düşən gecə acı bağırsaq kimi uzanır, ərimək, keçib getmək bilmirdi. Deyirlər, hər səhər bir ümid, bir aydınlıq gətirir. Ancaq onların ümidisə, elə bil daşa dəymiş, ayna kimi çiliklənib tökülmüşdü. O qırıqları bənd edib, ayna işığı tutmaq üçün hələ nə qədər ümidə sığınmalı, boş, yağlı vədlərə aldanmalı idilər. Axı dünya alıb-aldatdı dünyası idi. Fırlanır, çax-çuxu çox başları ağrıdırdı. Durduğun yerdə işə düşmək buna deyirdilər.
Fikus da bir gün darıxdı.Havasızlıqdan boğuldu. Günəşə boylanmaq, günəş işığını sinəsinə çəkmək istədi. Günəş işığı hardaydı ki?! Qalın, daş divarlar “daş” nağılını “oxumaqda”ydı. Asta-asta, xəfif-xəfif. Fikus daha bu “daş” nağılını dinləməkdən bezikmiş, içinə qapanıb, sanki həyatına, taleyinə göz yummuşdu. İri, enli yaşıl yarpağına xal düçmüş, təravətini itirmişdi. Payız qoxusuna, qış nəfəsinə də bürünüb öz şəkər, bal yuxusunu gözlərinə çəkməmişdi. “Bəlkə göz dəyib, nəzər olub!”- deyə Tərlanın anası fikusun yaxasından nəzər duası da asmışdı. Ancaq bir faydası, bir köməyi olmamışdı.
Bir gün Tərlan kövrəlib, göz yaşları içərisində solub getməkdə olan fikusa baxa-baxa atasından sordu: - Axı niyə... niyə belə oldu?! Bəlkə xətrinəmi dəydik...küsdümü bizdən?! Olmaya...-daha sözünün dalını gətirə bilmədi, qəhərdən boğuldu, göz yaşları yanaqları boyu süzüldü. Atası da kövrəldi, Tərlanın başını sinəsinə sıxıb ağlamaqdan güclə özünü saxladı. “Mən ağlasam, onlar içəridən sına bilər!..”- deyə düşündü. Oğlunun alnından, gözlərindən dönə-dönə öpdü. Başını dik tutub Tərlanın üzünə baxa-baxa pıçıldadı: - Ağac da canlıdır, oğul! Sən onu duyduğun kimi, o da səni duyur. O da sənin darıxdığını, nə hala düşdüyünü elə bilmə ki, görmür. Sənin ürəyində ev həsrəti, yurd həsrəti varsa, onun da içində ağac olmaq, ağac ömrü yaşamaq həvəsi var. Əfsus ki, günəşsiz həyat yoxdur. Ona görə də, hər şey kainatın bəzəyi, güzgüsü Günəşə sarı boylanır. Elə ağaclar üçün də günəş həyatdır , vətəndir!..
Bakı şəhəri, 01-03.11.2021.
- 212
noyabr 2021, Əzizağa E.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......