- Arzuların dəfn olunduğu meydan
- Əbil Həsən
-
Mərd, səhəri dirigözlü açdı. Həm arvadının sızıltısı, həm də öz canının ağrıları onu bu gecə də yatmağa qoymamışdı. Yerindən qalxıb əl-üzünü yudu, paltarını geyinib evdən çıxdı. Hara gedəcəyini bilmirdi.
Arvadını bir neçə həkimə göstərmişdi. Ona – Bu xəstəliyin müalicəsi burada bahadır, İrana apar – demişdilər. Onun aldığı maaşsa nəinki yeməklərinə, kommunal xərclərə belə güclə çatırdı. Hələ dərmanlar bir yana qalsın. Mərd, bunları fikirləşə-fikirləşə gəlib böyük bir meydanın qarşısında dayandı.
Meydan bomboş idi. Ara- sıra bahalı maşınlar şütüyürdü. Yadına düşdü... Neçə illər bundan qabaq ürəyində yaşatdığı arzuların yolunda bu meydanda zülmə qarşı gecəsini gündüzə qatmışdı... Özü kimi milyonlarla soydaşları ilə bir yerdə “azadlıq” deyə hayqırır, ürəyindəki arzuları naminə onlarla bir yerdə ölümə meydan oxuyurdu. Ancaq o vaxt ürəyində bəslədiyi arzularının heç biri bu gün həyata keçməmişdi, elə qəlbində arzu olaraq qalıb boğulmuşdu.
Mərd, taqətsiz halda diz çöküb arzularının meydanını əsəbdən qıc olmuş, az qala çalova dönmüş əlləriylə qazmağa başladı. Asfalt dəmir kimi möhkəm olsa da, rahat qazılırdı. Haradansa ağ paltarlı, saçı-saqqalı ağarmış bir qoca peyda olub ona yaxınlaşaraq;
– Nə qazırsan oğul? – deyə soruşdu.
– Gor qazıram, dədə, gor.
– Kimin üçün qazırsan goru, oğul? – soruşdu.
- Ürəyimdə ölmüş arzularım üçün dədə, deyə bilmədiyim sözlərim üçün dədə, cəsarətim üçün, özüm üçün dədəəə – deyə bağıraraq cavab verdi.
O, ürəyindəki bütün ölmüş arzularını meydanda dəfn etdi. Bir müddətdən sonra meydan böyük bir məzarlığa döndü. Başı elə qarışmışdı ki, insanların onu əhatəyə alıb heyrətlə baxdıqlarının fərqinə varmamışdı. Onun bayaqkı hayqırtısı insanları cəlb eləmişdi. Hər tərəfdən meydana adamlar axışırdı. Onlar məzarların üstünə gül dəstələri düzürdülər. Bəziləri də “fatihə” deyib salavat çevirirdilər.
Bayaqkı qoca isə bütün bunları seyr edə-edə dərin kədər içində pıçıldayırdı:
- Hanı o dediyim bəy ərənlər? Dünya mənimdir deyənlər! Onlar dəxi bu dünyaya gəldi keçdi, karvan kimi qondu köçdü. Əcəl aldı, yer gizlədi, fani dünya kimə qaldı?
Mərd diksindi, elə bil yatmışdı oyandı, ətrafa baxdı qocanı görmədi. Ancaq ürəyinə nəsə bir toxtatlıq gəldi, içində sanki bir qığılcım sönməkdə olan ümid işığını yandırdı. O, meydandakı tribunaya doğru addımlamağa başladı.
Meydan boş idi...Ara-sıra bahalı maşınlar şütüyürdü...
- 248
fevral 2019, Əbil H.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......